کیسے عجیب دل ہیں
ہم شاعروں کے دل بھی
کیسے عجیب دل ہیں
بازی گری کے رسیا
بارے سُخن سرا بھی
بیٹھے ہوئے پرندے
اڑتی ہُوئی بلا بھی
بے انتہا یگوں سے دورانِ آب و گِل ہیں
ہم شاعروں کے دِل بھی
کیسے عجیب دِل ہیں
اِک شب درونِ خانہ
جلتے ہوئےمکاںمیں
اِک صبحُ ابرِ غم سے اِدھر
حلقہِ بتاں میں
خوش باش بے ارادہ،بےوجہ مضمحل ہیں
ہم شاعروں کے دِل بھی
کیسےعجیب دل ہیں
آبادیوں کے اندر
تارِنظرسے آگے
دیوانِ کشتگاں میں اگلے سفر سے آگے
کچھ نقش عارضی تھے
کچھ خواب مستقل ہیں
ہم شاعروں کے دل بھی
کیسے عجیب دل ہیں
