In the grey evening
” اودیسا ” !!!
مجھے دوبارہ پہچاننا !!!
کہ میرا سب سے قیمتی اثاثہ
تمھاری زمیں کی طرف واپسی ہے !
تمھاری سرمئی شامیں میرے بغیر کیسے گزرتی ہیں
تمھارے نقرئی دن مجھے ڈھونڈتے ہوئے کہاں جاتے ہیں
تمھاری ہواؤں میں میرے نام کے زمزمے ،کون سی کہکشاں سجاتی ہے ؟
میرے دل سے ایک نم دیدہ دعا تمھاری زمین کی طرف آتی ہے
تم تو دیکھتے ہو کہ خدا میری دعا کے جواب میں اپنے قلم سے کیا لکھ رہا ہے ؟
اگر لوح محفوظ ہر
دائمی ہجر بھی چمکتا دکھائی دے
تو پھر بھی قدرت سے یہ اصرار بھری سرگوشی کبھی مت چھوڑنا
کہ تم اپنی زمیں پر میرے خوش کن قدم دوبارہ دیکھنا چاہتے ہو !!!
