منتخب کالم
100 لفظوں کی کہانی /
اولمپکس ……
ڈوڈو اولمپین گولڈ میڈلسٹ میرا یار ہے۔
بہت جلد تم یہ کہہ کر فخر کیا کرو گے۔
ڈوڈو نے شیخی بگھاری۔
واقعی؟ کیا تم اولمپکس میں شرکت کرو گے؟
میں نے حیرت کا اظہار کیا۔
اور کیا۔ آئندہ ماہ پاکستانی دستے کے ساتھ پیرس جا رہا ہوں، ڈوڈو نے بتایا۔
ہماری ہاکی ٹیم نے تو کوالیفائی نہیں کیا۔
ایک ارشد ندیم اور تین شوٹرز کا مجھے علم ہے۔
تم کون سے مقابلے میں شرکت کرو گے؟ میں نے پوچھا۔
ڈوڈو نے سینہ پھلا کر کہا،
میں حکومت پاکستان کی نمائندگی کر کے گولڈ میڈل جیتوں گا،
مہنگائی کے مقابلے میں۔
