سانگھڑ: سڑکوں کی بہتری اور شہری سہولیات میں ضلعی انتظامیہ کی متحرک کوششیں/ محمد اشفاق بھٹی ۔۔۔ سانگھڑ (نامہ نگار)
ضلع سانگھڑ سندھ کا ایک اہم زرعی، تجارتی اور ثقافتی مرکز ہے، جو اپنی محنتی عوام اور نقد آور فصلوں کے ساتھ ساتھ ایک قدیم تہذیبی ورثہ کی حیثیت رکھتا ہے۔ لیکن، وقت گزرنے کے ساتھ ساتھ شہری سہولیات کے شعبے میں کچھ چیلنجز بھی سامنے آئے ہیں جنہیں حل کرنے کے لیے ضلعی انتظامیہ متحرک دکھائی دیتی ہے۔
شہری سڑکوں کی حالت نا گفتہ بہ،سانگھڑ شہر کی مرکزی اور ذیلی سڑکیں عوامی آمد و رفت کا بنیادی ذریعہ ہیں۔ پولیس اسٹیشن روڈ، نیو ہاؤسنگ سوسائٹی اور مارکیٹ ایریا، سول اسپتال روڈ اور اسکولز کے گردونواح کی کئی سڑکیں بارش کے پانی اور ٹریفک کے بوجھ کے باعث مرمت طلب ہو چکی ہیں۔گزشتہ دنوں کی بارشوں کے بعد کچھ مقامات پر گڑھے بن گئے، اور نکاسی آب کے مسائل بھی سامنے آئے۔ تاہم، شہری حلقوں کا کہنا ہے کہ ضلعی انتظامیہ ان معاملات پر فوری ردِعمل دے رہی ہے اور مرمتی کام کے لیے حکمت عملی تیار ہے۔ملاتِ حاضرہ انتظامی افسران کی موجودگی اور رسائی،سانگھڑ کی ضلعی اور تحصیل سطح پر موجود افسرانِ بالا اپنی دفاتر میں موجود اور عوام کے لیے بآسانی قابلِ رسائی دکھائی دے رہے ہیں۔ شہریوں کے مطابق، پاسپورٹ آفس، ریونیو دفاتر، میونسپل کمیٹی اور پولیس اسٹیشنز میں وقت پر عملہ موجود رہتا ہے، اور ضروری کام تیزی سے نمٹانے کی کوشش کی جاتی ہے۔صفائی ستھرائی اور ٹریفک کی صورتحال:سانگھڑ کی اہم شاہراہوں پر صفائی کے کام میں بہتری محسوس ہو رہی ہے۔ میونسپل عملہ باقاعدگی سے مرکزی سڑکوں پر صفائی کرتا ہے، جبکہ گلی محلوں میں بھی صفائی کی صورتحال مجموعی طور پر تسلی بخش ہے۔ٹریفک پولیس کی جانب سے بازاروں اور اسکول اوقات میں ٹریفک کو منظم کرنے کی کوششیں بھی عوام کو نظر آ رہی ہیں۔ ساتھ ہی، موٹرسائیکل سواروں اور رکشہ ڈرائیورز کو ٹریفک قوانین کی پابندی کی تلقین کی جا رہی ہے۔شہریوں کی امیدیں اور مستقبل کی سمت:سانگھڑ کے شہری چاہتے ہیں کہ سڑکوں کی مرمت اور نکاسی آب کے منصوبے جلد مکمل ہوں تاکہ بارشوں یا روزمرہ کے استعمال سے پیدا ہونے والی مشکلات کم ہوں۔ اگر انتظامیہ یہی رفتار اور عوامی رابطہ برقرار رکھے تو یہ شہر نہ صرف سہولت یافتہ بلکہ مثالی ضلع بھی بن سکتا ہے۔
یہ بات خوش آئند ہے کہ ضلعی انتظامیہ اور شہری حلقے ایک ہی صفحے پر ہیں: مقصد عوام کی سہولت اور ترقی۔ تنقید کے بجائے مثبت رویہ، مشاورت اور تعاون ہی سانگھڑ کو ترقی کی راہ پر گامزن کر سکتا ہے۔
٭٭٭
