ملٹی ورس اور وحدت الوجود
دو آئینے
آمنے سامنے ہوں
تو ان میں
عکس در عکس
کتنی کائناتییں سانس لیتی ہیں
یونی ورس سے
ملٹی ورس کا
ظہور کیسے ہوتا ہے
طبق در طبق ماہیت
ایک دنیا یا بہت سی دنیائیں
ایک کائنات یا بہت سی کائناتیں
ایک عالم یا بےشمار عالم
مگر میں ازل سے
ان میں صرف تم کو ڈھونڈتا ہوں
پھر بھی شاید یہ ممکن نہیں
کہ میں
دو آئینوں کے درمیان
لاتعداد کائناتوں میں
تمھارا عکس پا جاؤں ،
اور پھر اسے نوچ کر علیحدہ کردوں
