فیلیر (Failure
13 اکتوبر
ناکام لوگوں کا دن ہے
وہ جو زندگی کی بےرحمی اور ابدیت کے درمیان کھڑے ہیں
جو ابھی Eliminate نہیں ہوئے
موت ان سے ڈرتی ہے
جو زندہ رہنے کی کوشش کرتے ہیں
اور زندگی کی صرف خواہش رکھنے والوں کو موت سُلا دیتی ہے
ہار اور ناکامی میں فرق ہے
لوگ گمان تک نہیں کرسکتے
اور میں اپنے Passion کے لیے
اپنی روح قربان کر سکتا ہوں
شیطان میرے ایک فیصلے کے انتظار میں ہے
پھر لوگ سن سکیں گے
وہ verse
جو میرے موبائل فون کے نوٹ بک میں
پنپ رہے ہیں
13 اکتوبر میرا دن ہے
جو ناکام نہیں ہوا
وہ مجھے پہچان نہیں سکتا
13 اکتوبر
ہر اس شخص کا دن ہے
جس کی پہلی کوشش ناکام رہی ہو
مگر وہ پھر بھی زندہ رہا
