غزل
بتانے کے لیے دنیا کے راز لوگوں کو
خدا نے بھیجا ہے ہم بے نیاز لوگوں کو
جو آپ اپنے حبیب و خلیل رکھتا ہو
وہ کیوں رکھے گا محبت سے باز لوگوں کو
تو یہ زمانے سے خود کیوں نہیں الجھ پڑتے
فقیر پر ہے اگر اعتراض لوگوں کو
میں چاہتا ہوں رویوں پہ بات ہو لیکن
رہا نہیں ہے کسی کا لحاظ لوگوں کو
یہ میں نے پیش کیا خود کو ازرہِ تنقید
یہ میں نے کھول دیا ہے محاذ لوگوں کو
مقام اپنا بنانے کے واسطے حارث
دیا ہے اس نے ہمارا جواز لوگوں کو
