پاکستان کے 76ویں یوم آزادی پر یورپی یونین نے پاکستان کے لیے مختلف آلات موسیقی کی مدد سے ریکارڈ کروایا گیا قومی ترانہ جاری کیا ہے۔
اس ترانے میں خاص بات یہ ہے کہ پاکستان میں یورپی یونین کی سفیر رینا کیونکا بھی اس کا حصہ ہیں۔
اس سیکشن میں متعلقہ حوالہ پوائنٹس شامل ہیں (Related Nodes field)
یورپی یونین کی جانب سے جاری کردہ ترانے میں رینا کیونکا ٹرمپٹ بجا رہی ہیں۔
اس ترانے کے لیے رینا کیونکا کے علاوہ پاکستان کے تمام صوبوں سے فنکاروں نے پرفارم کیا۔
یورپی یونین پاکستان نے ایکس پر اپنی پوسٹ میں لکھا کہ پاکستان کے 76ویں یوم آزادی پر یورپی یونین کی پاکستان کے لیے سفیر رینا کیونکا نے دوستوں کے ساتھ مل کر پاکستان کو خصوصی خراج تحسین پیش کیا ہے۔
On Pakistan’s 76th Independence Day, the EU Ambassador @RKionka joins friends to pay a special tribute to Pakistan. This rendition is a celebration of the rich cultural diversity of Pakistan and the power of #UnityinDiversity.
Happy Independence Day, Pakistan. pic.twitter.com/00YzSu743d— EUPakistan (@EUPakistan) August 11, 2023
اس ترانے کو ایکس صارفین کے جانب سے کافی پذیرائی ملی اور اس کی تعریفیں دیکھنے کو ملی ہیں۔
پاکستان کی سابق وزیر مملکت برائے خارجہ امور حنا ربانی کھر نے بھی رینا کیونکا کا پاکستان کے یوم آزادی کی خوشیوں میں شریک ہونے پر شکریہ ادا کیا۔
Always ahead of the curve. Always able to do something original,something new with something old. Thank You @RKionka @EUPakistan for being part of Pakistan s Independence Day celebrations in a way that will certainly strike a chord with every Pakistani.
— Hina Rabbani Khar (@HinaRKhar) August 11, 2023
سینیٹر شیری رحمان نے بھی پاکستان کے لیے یوپی یونین کی سفیر رینا کیونکا کے اس اقدام کی تعریف کی۔
کینیڈا کی پاکستان کے لیے سفیر لیسلی سکینلون نے بھی ترانے کی تعریف کی۔
بابر ستار نے لکھا کہ خصوصی موقعے پر خصوصی خراج تحسین۔ انہوں نے لکھا کہ ’پاکستانی یورپی یونین کی سفیر کو شکریہ ادا کرتے ہیں۔‘
Special tribute for a special occasion; Pakistanis thank the EU Ambassador. The celebration coming in three days in indeed a celebration of Unity and Diversity.
— Noman Sattar (@ProfNoman) August 11, 2023
پاکستان کے سابق سفیر عبد الباسط نے بھی یورپی یونین کی سفیر کا شکریہ ادا کیا۔
رابعہ ناصر نے لکھا کہ ’عوامی سفارت کاری کا بہترین انداز۔‘
یہ پہلی بار نہیں ہے کہ پاکستان کے یوم آزادی پر رینا کیونکا نے اس طریقے سے پاکستان کو خراج تحسین پیش کیا ہو۔
اس سے قبل 2022 میں بھی پاکستان کے یوم آزادی کے موقعے پر رینا کیونکا نے ٹرمپٹ پر قومی ترانہ بجا کر پاکستان سے اظہار محبت کیا تھا۔
