اسلام آباد: عالمی بینک نے پاکستان کے لیے 14 کروڑ 97 لاکھ ڈالر قرض کی منظوری دے دی۔
اے آر وائی نیوز کے مطابق عالمی بینک کی جانب سے منظور کردہ رقم دو منصوبوں پر خرچ کی جائے گی، ڈیجیٹل اکانومی انہانسمنٹ منصوبے پر 7 کروڑ 80 لاکھ ڈالر خرچ ہوں گے۔
سندھ میں بیراجوں کی حفاظت، بہتری پر 7 کروڑ 17 لاکھ ڈالر خرچ کیے جائیں گے۔
کنٹری ڈائریکٹر ورلڈ بینک کا کہنا ہے کہ سال 2022 میں پاکستان میں تباہ کن سیلاب نے انفراسٹرکچر متاثر کیا، بیراجوں کی حفاظت انہیں مضبوط بنانے کے لیے اقدامات ضروری ہیں۔
انہوں نے کہا کہ ڈیپ پروگرام کے تحت شہریوں، مختلف فرمز کو ای سروسز دی جائیں گی۔
Comments
Follow Us
