بھارت میں ماں نے مبینہ طور پر دو بچوں کو زہر دے کر عمارت سے چھلانگ لگادی۔
بھارتی میڈیا رپورٹس کے مطابق ریاست مہاراشٹر کے شہر ناسک میں 30 سالہ خاتون نے عمارت سے چھلانگ لگاکر خودکشی کرلی جبکہ ان کے دو بچے گھر میں مردہ پائے گئے۔
پولیس کا کہنا ہے کہ اشونی نے شوہر پر الزام لگاتے ہوئے ویڈیو پیغام چھوڑا، اور خودکشی سے قبل اپنے بچوں 8 سالہ آرادھیا اور 2 سالہ آگستیہ کو زہر دے دیا۔
رپورٹ کے مطابق صبح 7 بجے اشونی نے شہر کے کونارک نگر علاقے میں واقع ہری وندن اپارٹمنٹ کی چھت سے چھلانگ لگائی۔
مکینوں کی جانب سے اطلاع ملنے پر پولیس موقع پر پہنچی اور اس کے دو بچوں کو گھر میں مردہ پایا جبکہ شوہر گھر میں موجود نہیں تھا۔
پولیس کا کہنا ہے کہ خاتون کے شوہر سوپنیل کو شامل تفتیش ہونے کے لیے طلب کرلیا گیا ہے۔
Comments
Follow Us
