کراچی : ہجرت کالونی میں واقع نجی اسکول میں جنریٹر کے دھوئیں سے بائیس بچے بےہوش ہوگئے، پولیس کا کہنا ہے بچوں کو اسکول سے باہر نکالا جارہا ہے۔
تفصیلات کے مطابق کراچی کے علاقے ہجرت کالونی سیکٹرٹو میں واقع نجی اسکول میں 22 بچوں کی حالت غیر ہوگئی ، اسکول میں جنریٹر کے دھوئیں سےبچوں کی طبیعت خراب ہوئی۔
واقعے کے بعد ایس ایچ او سول لائن شاہدخان پولیس کی نفری کے ساتھ پہنچ گئے اور ایدھی ایمبولینس اور رضاکار جائے وقوع پر موجود اور امدادی سرگرمیاں جاری ہے۔
ریسکیو اداروں کا کہنا ہے کہ جنریٹر اسکول کی سیٹرھیوں پر رکھا ہوا تھا، جس کی وجہ سے اسکول میں دھواں بھرا۔
بچوں کو اسکول سے باہر نکال کر طبی امداد کے لیے اسپتال روانہ کردیا ہے، جہاں بچوں کی حالت خطرے سے باہر ہیں۔
ڈائریکٹوریٹ آف پرائیویٹ انسٹی ٹیوشنز نے واقعے کا نوٹس لے لیا، جس کے بعد ڈائریکٹوریٹ کی ٹیم اسکول کے معائنے کے لیے روانہ ہوگئی ہے۔
