موبائل فون استعمال کرنے والوں کو بعض اوقات اپنے سیٹ میں مشکلات کا سامنا کرنا پڑتا ہے جس کیلیے وہ اسے ری اسٹارٹ یا مکمل بند کردیتے ہیں۔
اس کے علاوہ جب کوئی نیا موبائل خریدا جائے اس صورت میں بھی پرانے موبائل میں موجود ڈیٹا کو ڈیلیٹ کیا جاتا ہے تاکہ سیٹ میں موجود آپ کا ذاتی ڈیٹا غیرمحفوظ ہاتھوں میں نہ پہنچ جائے۔
اسی طرح جیسے جیسے آپ کے فون میں ہینگ ہونے کا دیگر خرابیاں سامنے آنے لگتی ہیں تو یہ پریشانی کا باعث بن جاتا ہے۔
اکثر لوگوں کا فون جب فریز ہوجاتا ہے تو وہ فوری طور پر ڈیوائس کو بند کر دیتے ہیں تاکہ جب اسے دوبارہ آن کریں تو وہ ٹھیک سے کام کرنے لگے۔ اس لیے فون میں پاور آف اور ری اسٹارٹ دونوں آپشنز دیئے جاتے ہیں۔
اب سوال یہ پیدا ہوتا ہے کہ موبائل فون کو ری اسٹارٹ کرنا اچھا ہوتا ہے یا اس کا پاور آف کردیا جائے؟ ان دونوں آپشنز میں کون سا طریقہ اپنانا زیادہ کارآمد ہے ؟
ان دو آپشنز سے فون میں کیا ہوتا ہے؟
بیٹریز پلس کی جانب سے جاری ایک رپورٹ میں کہا گیا ہے کہ اگر ہفتے میں ایک بار موبائل فون کو ری اسٹارٹ کای جائے تو ایسا کرنے سے میموری لیک روکنے میں مدد ملتی ہے۔
میموری لیک اس وقت ہوتی ہے جب کسی ایپ کو کام کرنے کے لیے بڑی مقدار میں میموری کی ضرورت ہوتی ہے لیکن جب ایپ استعمال میں نہ ہو تو میموری خالی نہیں ہوتی۔
فون کو ری اسٹارٹ کرنے سے کنیکٹیویٹی میں آنے والی پریشانیوں میں مدد مل سکتی ہے، پرانے اسمارٹ فون بعض اوقات ڈیٹا اور وائی فائی سے کنیکٹ نہیں ہو پاتے ہیں اور فون کو ری اسٹارٹ کرنے پر اسے دوبارہ کنیکٹ کرنا پڑے گا۔
اپنے فون کو پاور آف کرنے سے اس کے کیشے ڈیٹا کو صاف کرنے میں مدد ملے گی جس سے آپ کا فون زیادہ مؤثر طریقے سے کام کر سکے گا۔
اس کے علاوہ موبائل فون کو شٹ ڈاؤن اور ری اسٹارٹ کرنے کے علاوہ آپ کو فون کے بیک گراونڈ میں چلنے والی ایپس کو کلیئر کرتے رہنا چاہیے، یہ فون کے چلنے کے دوران بیٹری کی صحت پر دباؤ ڈال سکتا ہے۔
فون کو ری اسٹارٹ کرنا عام طور پر اس وقت ہوتا ہے جب فون ہینگ ہوجاتا ہے، ایپس ٹھیک سے نہیں چل پاتی ہیں اور سافٹ ویئر میں خرابیاں پیدا ہوتی ہیں لیکن یہ بھی ایک اچھا عمل ہے جس کی وجہ سے فون اچھے سے چلتا ہے۔
