کراچی: پولیس نے 11 سالہ بچے سے شرط لگانے اور اس کی موت کا سبب بننے والے دکاندار کو گرفتار کرلیا۔
تفصیلات کے مطابق کراچی کے علاقے گلشن معمار میں سرکے کی بوتل پینے سے 11 سالہ بچے کی موت واقع ہوگئی تھی، پولیس نے بچے سے شرط لگانے والے دکاندار کو گرفتار کرلیا ہے، واقعے کا مقدمہ شاہ محمد کے اہلخانہ کی مدعیت میں درج کیا گیا۔
پولیس کا کہنا ہے کہ مقدمہ قتل خطا کی دفعات کے تحت درج کیا گیا ہے جبکہ مدعی مقدمہ کا کہنا ہے کہ دکاندار نے بچے سے سرکے کی بوتل پینے پر 100 روپے کی شرط لگائی تھی۔
مدعی مقدمہ نے بتایا کہ بچے شاہ محمد نے سرکے کی بوتل پی لی تھی، بچے نے جیتے ہوئے 100 روپے سے کولڈنک خرید کر پی تھی۔
پولیس کا اس حوالے سے کہنا تھا کہ پوسٹ مارٹم کی رپورٹ آنے کے بعد بچے کی موت کی وجہ سامنے آئے گی۔
Comments
Follow Us
