پی آئی اے انتظامیہ کا ایئرلائن کی نجکاری سے قبل بڑا فیصلہ/ محمد صلاح الدین

کراچی: پاکستان کی قومی ایئر لائن (پی آئی اے) انتظامیہ نے ایئرلائن کی نجکاری سے قبل اسپیئر پارٹس فروخت کرنے کا فیصلہ کیا ہے۔

تفصیلات کے مطابق کروڑوں روپے مالیت کے حامل مختلف کیٹیگریز کے طیاروں کے اضافی اسپیئر پارٹس فروخت کئے جائیں گے، طیاروں کے فروخت کیے جانے والے پرزوں کی تفصیلات بھی سامنے آگئیں۔

پی آئی اے انتظامیہ نے بوئنگ 737۔ بوئنگ 707، فوکر اور سیسنا طیاروں کے اضافی پرزوں کی  فروخت کے لیے ٹینڈر جاری کردیا۔

ذرائع کے مطابق ان طیاروں کے اضافی پرزے کئی سالوں سے پی آئی اے کے اسٹور میں موجود تھے، پی آئی اے انتظامیہ نے جیسا ہے جہاں ہے کی بنیاد پر پرانے طیاروں کے پرزے فروخت کے لیے پیشکش طلب کرلیں۔

پی آئی اے انتظامیہ کے مطابق ٹینڈر میں حصہ لینے کے لیے درخواست 29 اپریل تک جمع کرائی جاسکتی ہیں۔

Comments