کراچی : پاسپورٹ کے بغیر کینیڈا جانے والی پی آئی اے کی فضائی میزبان کو سزا کے طور پر 3 ماہ کیلئے انٹر نیشنل فلائٹس سے گراؤنڈ کردیا۔
تفصیلات کے مطابق ٹورنٹو پروازپرفضائی میزبان کے پاسپورٹ کے بغیر کینیڈا جانے کے معاملے پر پی آئی اے نے فضائی میزبان کی 3 ماہ کیلئے انٹر نیشنل فلائٹس پر پابندی عائد کردی۔
ترجما ن پی آئی اے نے کہا کہ فضائی میزبان کیخلاف تحقیقات جاری ہے، سزا کے طور پر 3 ماہ کیلئے انٹر نیشنل فلائٹس سےگراؤنڈ کردیا۔
یاد رہے پی آئی اے ایئرہوسٹس انوکھا کارنامہ انجام دیتے ہوئے بغیر پاسپورٹ کینیڈا پہنچ گئیں تھیں ، جس پر قومی ایئرلائن نوٹس لیا تھا۔
ایئر لائن ذرائع کے مطابق ٹورنٹو پرواز پر پی آئی اے کی فضائی میزبان سمیرا پاسپورٹ کے بغیر ہی کینیڈا پہنچ گئیں، یہ واقعہ 15 مارچ کا ہے، ایئرہوسٹس کی ڈیوٹی اسلام آباد ٹورنٹو پرواز پی کے 781 پر تھی۔
ذرائع کا کہنا تھا کہ پی آئی اے ایئرہوسٹس نے اسلام آباد سے ٹورنٹو کا سفر جنرل ڈکلیئریشن کی دستاویزات پر کیا، بغیر پاسپورٹ کینیڈا پہنچنے پر فضائی میزبان پر جرمانہ عائد کیا گیا۔
