گھر کے سامنے سے گزرتے ہوئے 9 سالہ بچی اور ماں پر پالتو کتے نے حملہ کردیا جس کے باعث دنوں زخمی ہوگئیں۔
تفصیلات کے مطابق مذکورہ واقعہ میاں چنوں کے نواحی علاقے میں پیش آیا ڈسٹرکٹ پولیس افسر رانا عمر فاروق نے واقعے کا نوٹس لے لیا ہے۔ شوکت ماچھی نامی شخص کے گھر کے سامنے سے گزرتے ہوئے ماں بیٹی پر پالتو کتے نے حملہ کیا۔
پولیس نے بتایا کہ 9 سالہ فاطمہ اپنی والدہ کوثربی بی کے ہمراہ گھر جارہی تھی، شوکت علی ماچھی اور صابر علی ماچھی کے پالتو کتے نے ماں اور بیٹی کو کاٹ لیا۔
ترجمان پولیس نے کہا کہ بچی فاطمہ اور کوثر بی بی کا میڈیکل کرایا جارہا ہے، ملزمان کےخلاف ضابطے کی کارروائی کا آغاز کردیا گیا ہے۔
Comments
Follow Us
