پاکستانی قومی ویمن کرکٹ ٹیم کی کپتان ندا ڈار نے انگلینڈ ویمن کرکٹ ٹیم کے خلاف سیریز کے دوسرے میچ میں بین الاقوامی ٹی ٹوئنٹی کرکٹ کا ایک اہم اعزاز اپنے نام کرلیا۔
نارتھمپٹن میں کھیلے گئے میچ میں پاکستان کی کپتان ندا ڈار ویمنز ٹی ٹوئنٹی انٹرنیشنل میں سب سے زیادہ 137 وکٹیں حاصل کرنے والی بولر بن گئیں۔
قومی ویمنز ٹیم کی کپتان ندا ڈار نے 137 ویں وکٹ حاصل کرنے کے بعد آسٹریلیا کی میگن شوٹ کی 136 وکٹوں کا ریکارڈ توڑا ہے۔
واضح رہے کہ پاکستان اور انگلینڈ ویمنز ٹی 20 سیریز کے دوسرے میچ میں انگلش ٹیم نے پاکستان کو 65 رنز سے شکست دے دی۔
انگلینڈ ویمنز کرکٹ ٹیم نے پاکستان کو جیت کیلئے 145 رنز کا ہدف دیا تھا، انگلینڈ کو 3میچوں کی سیریزمیں 0-2 کی فیصلہ کن برتری حاصل ہوگئی۔
لیڈز کے کاؤنٹی گراؤنڈ نارتھمپٹن میں ہونے والی پاک انگلینڈ ٹی 20 سیریز کے دوسرے میچ میں میزبان ٹیم نے پاکستان کو جیت کیلئے 145 رنز کا ہدف دیا تھا۔
جواب میں پاکستان کی ٹیم 145 رنز کے تعاقب میں 79 رنز پر ڈھیر ہوگئی، عالیہ ریاض19، منیبہ علی 18، سدرہ امین 11 رنز بنا سکیں۔
