دہلی میں نابالغ بچی زیادتی کا نشانہ بن گئی/ اردو ورثہ

نئی دہلی میں مبینہ طور پر افسوسناک واقعہ پیش آیا ہے، پولیس کی جانب سے کارروائی نہ کرنے پر تھانے کے باہر احتجاج کیا گیا۔

غیر ملکی ذرائع ابلاغ کے مطابق متاثرہ بچی کے والدین تھانے کے چکر لگا رہے ہیں، جبکہ مقدمہ درج کرنے کے بجائے پولیس متاثرہ کے اہل خانہ کو دھمکیاں دے رہی ہے۔

متاثرہ لڑکی کے والد کا کہنا ہے کہ لڑکا بالغ ہے۔ اس نے ان کی بیٹی کو کسی نا معلوم جگہ لے جا کر زیادتی کا نشانہ بنایا، ہم نے رات بھر بچی کو ڈھونڈا، بچی اگلی صبح میٹرو اسٹیشن کے قریب سے ملی۔

تھانے کے باہر احتجاج کا دائرہ بڑھنے لگا تو ضلع کے اعلیٰ حکام بھی پولیس اسٹیشن پہنچ گئے۔

پولیس کے اعلیٰ حکام نے متاثرہ بچی کے اہل خانہ کو سخت کارروائی کی یقین دہانی کرائی، جبکہ بچی کو دوبارہ طبی معائنے کے لئے بھیج دیا گیا ہے۔

Comments