پاکستانی شوبز انڈسٹری کی معروف جوڑی جویریہ اور سعود کے دونوں بچوں نے اسرائیل کی حامی کمپنی کی طرف سے ملنے والی بڑی پیشکش ٹھکرا کر اپنے والدین کا سر فخر سے بلند کردیا۔
پاکستان شوبز انڈسٹری کی معروف اداکارہ جویریہ سعود نے فوٹو اینڈ شیئرنگ ایپ انسٹاگرام پر اپنے دونوں بچوں کی تصویر کے ساتھ ایک نوٹ شیئر کیا ے جس میں انہوں نے بتایا کہ ان کے بچے جنت اور ابراہیم کو کوک کے اشتہار میں کام کرنے کی پیشکش ہوئی تھی۔
اداکارہ نے کہا کہ میرے دونوں بچوں نے اسرائیل کی حامی کمپنی ‘کوک’ کے ساتھ اشتہار میں کام کرنے سے انکار کردیا، اس اشتہار کے شوٹ کی منصوبہ بندی ترکیہ میں ہونے والی ہے اور میرے بچوں نے ہمیں بھی اس شوٹ کی منصوبہ بندی میں شرکت کرنے اور اس کا حصہ نہ بننے پر قائل کیا۔
جویریہ سعود نے بتایا کہ میرے بچے اسرائیل کی حمایت کرنے والی کمپنی کے ساتھ کام کرکے اپنے اخلاق سے سمجھوتہ نہیں کرنا چاہتے تھے، اس وجہ سے اُنہوں نے کوک کے ساتھ کام کرنے سے انکار کردیا۔
اداکارہ نے کہا کہ جنت اور ابراہیم نے ہمیں بتایا کہ اگر ہم فلسطین کے لیے کچھ اور نہیں کر سکتے تو کم از کم اسرائیل کے حامیوں کا بائیکاٹ کرکے اپنا چھوٹا سا کردار تو ادا کر ہی سکتے ہیں۔
اُنہوں نے مزید کہا کہ مجھے اپنے بچوں کی بات سُن کر قرآن پاک کی سورۃ الفیل کا ترجمہ یاد آگیا، اللہ سب کو ایسی ایماندار اور اصول پسند اولاد سے نوازے، آمین۔
