پاکستان کے معروف اداکار جاوید شیخ نے انکشاف کیا ہے انہیں اداکارہ سلمیٰ آغا سے شادی کرنے کی وجہ سے فلمی کیریئر میں بھی نقصان اٹھانا پڑا۔
پاکستان کے معروف اداکار جاوید شیخ نے حال ہی میں یوٹیوب چینل کو دیے گئے انٹرویو میں اپنی ناکام شادیوں اور کیرئیر پر کھل کر بات کی۔
معروف اداکار نے بتایا کہ پہلی شادی طلاق پر ختم ہونے کے بعد میں نے سلمیٰ آغا سے شادی کی لیکن بدقسمتی سے میری دوسری شادی بھی تین سال ہی چل سکی تھی۔
جاوید شیخ نے دعویٰ کیا کہ سلمیٰ آغا نے مجھے بالی ووڈ اور لولی ووڈ فلموں سے نکلوایا، جب کسی فلم کی آفر ہوتی تو وہ مجھے ایسی فلموں میں کام نہیں کرنے دیتی تھیں اور دوسرا وہ عین موقع پر مجھے مصروف رکھتیں جس کے بعد فلم ساز میری جگہ دوسرے اداکاروں کو کاسٹ کرلیتے تھے۔
کاش پہلی بیوی سے طلاق نہ ہوئی ہوتی تو۔۔۔۔جاوید شیخ نے کیا کہا؟
جاوید شیخ کا کہنا تھا کہ سلمیٰ آغا سے شادی کے بعد مجھے فلم ’خون بھری مانگ‘ میں مجھے ہیرو اور ریکھا کو ہیروئن منتخب بھی کرلیا گیا تھا لیکن سلمیٰ نے مجھے یہاں بھی زبردستی روک کر فلم سے نکلوایا دیا اس کے بعد اس فلم کیلئے میری جگہ کبیر بیدی کو کاسٹ کیا گیا۔
خیال رہے کہ جاوید شیخ نے 1980 کے بعد سلمیٰ آغا سے دوسری شادی کی تھی، اداکار کی پہلی شادی زینت منگی سے کی تھی، جن سے انہیں بیٹی مومل اور بیٹا فہد شیخ ہیں۔
