بھارتی ریاست اتر پردیش میں پیش آنے والے افسوسناک واقعے میں ایک شخص نے بہیمانہ طریقے سے کلہاڑی کے وار سے دو بچوں کو قتل کردیا جس کے بعد پولیس کی جوابی کارروائی میں قاتل بھی مارا گیا۔
بھارتی میڈیا رپورٹ کے مطابق بھارتی ریاست اتر پردیش کے بدایوں میں دوہرے قتل کا واقعہ پیش آیا ہے، جوابی کارروائی میں ملزم ساجد کو ہلاک کردیا گیا۔
خبر رساں ایجنسی پی ٹی آئی کو بتایا کہ ملزم ساجد نے حال ہی میں محلے میں ایک حجام کی دکان کھولی تھی، اسی نے گھر میں گھس کر تین بھائیوں 12 سالہ آیوش، 8 سالہ آہان عرف ہنی اور 10 سالہ یوراج پر کلہاڑی سے حملہ کیا۔
ضلع مجسٹریٹ نے بتایا کہ آیوش اور آہان کی اس حملے میں موت ہو گئی، جبکہ یووراج شدید زخمی ہوگیا جس کے بعد اسے اسپتال منتقل کردیا گیا ہے۔
دو معصوم بھائی کلہاڑی کے وار سے قتل، تیسرا شدید زخمی
واقعے کے عینی شاہد تیسرا زخمی بھائی یوراج نے دعویٰ کیا کہ دو لوگ گھر میں آئے اور وہ بھائیوں کو چھت پر لے گئے، اس نے مجھ پر بھی حملہ کرنے کی کوشش کی تھی لیکن میں حملہ آور کو دھکیل کر فرار ہوگیا۔
یوراج نے بتایا کہ حجام کی دکان سے 2 آدمی یہاں آئے، وہ میرے بھائیوں کو اوپر لے گیا، مجھے نہیں معلوم کہ اس نے انہیں کیوں مارا، اس نے مجھ پر بھی حملہ کرنے کی کوشش کی، لیکن میں اس کی چاقو سے بچ نکلا، اسے دھکیل دیا اور نیچے بھاگ گیا۔
بدایوں کے انسپکٹر جنرل آر کے سنگھ نے بتایا کہ اس دوہرے قتل کے گھنٹوں بعد 22 سالہ ساجد کو ایک انکاؤنٹر میں گولی مار کر ہلاک کر دیا گیا، انسکپٹر نے بتایا کہ ساجد لڑکوں کو قتل کرنے کے بعد گھر سے نکل گیا تھا، اور جب پولیس سے اس کا سامنا ہوا تو اس نے ہم پر گولی چلائی، جوابی فائرنگ میں اسے گولی لگی اور وہی اس کی موت ہو گئی۔
مرنے والے بچوں کے والد ونود سنگھ نے ایف آئی آر میں جاوید (ساجد کے بھائی) کو مرکزی ملزم نامزد کیا ہے، والد نے الزام لگایا کہ ملزم پیسے لینے اس کے گھر آیا تھا، جب بچوں کی ماں پیسے لینے اندر گئی تو اس نے کہا کہ وہ گھبراہٹ محسوس کر رہا ہے، اس لیے وہ چھت پر چہل قدمی کے لیے جا رہا ہے۔
ونود سنگھ نے پولیس کو بتایا کہ وہ ایک بچے کو اپنے ساتھ لے گیا، جب میری بیوی پیسے لے کر واپس آئی تو اس کے ہاتھ میں چھری تھی، اور ساجد نے میری بیوی سے کہا کہ آج میں نے اپنا کام مکمل کر لیا ہے۔
مزید مقتول کے والد کا کہنا تھا کہ میں نہیں جانتا کہ دونوں ملزمان نے میرے بچوں کو کیوں قتل کیا، میری بیوی اور میری والدہ کے علاوہ علاقے کے بہت سے دوسرے لوگوں نے بھی اسے دیکھا ہے، میری ساجد اور جاوید سے کوئی دشمنی نہیں تھی، مجھے نہیں معلوم کہ ان دونوں نے میرے بچوں کو کیوں مارا۔
ایس ایس پی بداون نے بتایا کہ متوفی کے اہل خانہ نے ملزم کے بھائی کا نام بھی بتایا ہے جو فرار ہےجسے جلد گرفتار کر لیا جائے گام جبکہ اہل خانہ کا یہ بھی کہنا ہے کہ ملزم نے مقتول بچوں کے والد سے 5000 روپے کا مطالبہ کیا تھا
