پاکستانی اداکارہ و پروڈیوسر حریم فاروق نے اپنے پسندیدہ کھلاڑی کا نام بتا دیا۔
پاکستان کی معروف اداکارہ حریم فاروق نے حال ہی میں احمد علی بٹ کے پروگرام میں شرکت کی جہاں انہوں نے اپنی نجی و پروفیشنل زندگی کے علاوہ دیگر موضوعات پر گفتگو کی۔
دورانِ پروگرام احمد علی بٹ نے ان سے سوال کیا کہ آپ بھی سنگل ہیں تو آپ کو قومی کرکٹ ٹیم میں سے کون سا سنگل کھلاڑی سب سے زیادہ پسند ہے؟
ہوسٹ کے سوال کے جواب میں اداکارہ حریم فاروق نے مسکراتے ہوئے جواب دیا کہ مجھے پہلے نمبر پر بابر اعظم اور پھر نسیم شاہ پسند ہے، جبکہ انہوں نے شاہین شاہ آفریدی کا بھی نام لیا۔
پوڈ کاسٹ کے دوران حریم نے بتایا کہ اُن کے ہونے والے ہمسفر میں سچائی لازمی ہونی چاہیے، وہ چاہتی ہیں کہ اُن کے ہمسفر کی طبیعت دوستانہ ہو۔
انہوں نے ایک سوال کے جواب میں بتایا کہ اُن کے والدین ڈاکٹر ہیں، ہمارے خاندان میں ہم بچوں کو ہمیشہ اظہار خیال کرنے کی آزادی رہی ہے، ہم صرف دو بہنیں اور میں بڑی ہوں۔
