کراچی: بچی کے علاج کے غرض سے باپ نے پولیس کی وردی پہن لی، عبداللہ کو عباسی شہید اسپتال سے حراست میں لیا گیا۔
تفصیلات کے مطابق باپ نے اپنی بچی کو اسپتال میں ایڈمٹ نہ کرنے کے ڈر سے پولیس کی وردی پہنی تھی۔ جعلی پولیس اہلکار بننے والے عبداللہ نامی شخص کوعباسی شہید اسپتال سے پولیس نے حراست میں لے لیا۔
اپنے ویڈیو بیان میں ملزم نے بتایا کہ میں ناظم آباد کاٹھیاواری محلے کا رہائشی ہوں جبکہ پلمبر اور الیکٹریشن کا کام کرتا ہوں۔
اس نے مزید بتایا کہ بچی کے علاج کے لیے پولیس کی وردی پہنی تھی۔ اسپتال میں ڈاکٹر بچی کو ایڈمٹ نہیں کررہے تھے اس لیےوردی پہنی۔
ملزم نے کہا کہ 5 دن اسپتال میں وردی پہن کر بچی کا علاج کرانے آتا رہا۔ پولیس حکام نے بتایا کہ تفتیش کے بعد شہری عبداللہ کو تنبیہ کرکے چھوڑ دیا گیا ہے۔
Comments
Follow Us
