سعودی عرب میں گرج چمک کے ساتھ طوفانی بارشیں/ اردو ورثہ

سعودی عرب کے مختلف علاقوں میں گرج چمک کے ساتھ طوفانی بارشوں سے شہری علاقوں کے علاوہ صحرائی ریگستان بھی پانی سے بھر گئے۔

عرب میڈیا کا اس حوالے سے کہنا ہے کہ بریدہ، دمام، الخبر، ریاض، الخرج، القصیم، الاحساء، الجبیل اور دیگر علاقوں میں تیز بارشیں ہوئی ہیں۔

مملکت میں ہونے والی موسلا دھار بارشوں کے باعث اہم شاہراہوں اور انڈر پاسز میں پانی بھر گیا جبکہ متعددگاڑیاں پانی کی نذر ہوگئیں۔

سعودی ٹریفک پولیس نے عوام سے غیر ضروری سفر اور صحرائی وادیوں میں جانے سے گریز کرنے کی ہدایت کی ہے۔

سعودی میڈیا کا اس حوالے سے کہنا ہے کہ بارش کا پانی کاروباری مراکز میں بھی داخل ہوگیا جبکہ خراب موسم کے سبب متعدد پروازوں کو بھی منسوخ کرنا پڑ گیا۔

Comments