متحدہ عرب امارات کی قومی فضائی کمپنی ایمریٹس نے اس سال سمر سیزن میں مسافروں کے لیے خصوصی پیشکشوں کا اعلان کردیا۔
غیرملکی خبر رساں ادارے الامارات الیوم کے مطابق ایمریٹس کے ریٹرن ٹکٹ کے ساتھ وزیٹرز دبئی کے کچھ بہترین اور پرکشش مقامات پر بھی جاسکیں گے۔
ایمریٹس ایئر لائن سے دبئی آنے اور جانے والے تمام مسافر اپنے بورڈنگ پاس کا استعمال کرتے ہوئے دبئی اور امارات کے پرکشش مقامات اور لگژری ’سپاس‘ کے علاوہ ریٹیل، تفریحی مراکز اور ریستورانوں میں خصوصی رعایت حاصل کرسکیں گے۔
ایئر لائن کی جانب سے وضاحت کرتے ہوئے کہا گیا ہے کہ یہ پیشکش 25 مئی سے 31 اگست 2024 کے درمیان سفر کے لیے کارآمد ہے جو 22 مئی سے11 جون 2024 تک جاری رہے گی۔
ایمریٹس سے سمر سیزن کے دوران سفر کرنے والے یکم مئی سے 30 ستمبر 2024 تک ’مائی ایمریٹس پاس‘ کے ذریعے مختلف رعایتیں اور انعامات حاصل کرسکیں گے۔
متحدہ عرب امارات کے باہر سے دبئی پہنچنے والے دا ویو، پام جمیرہ، دبئی پارکس اینڈ ریزروٹس، وائلڈ واڈی واٹر پارک اور اسی طرح کے دیگر مقامات تک مفت رسائی حاصل کرسکیں گے۔
