خود کو سجانا سنوارنا خواتین کا بنیادی حق ہے جس کیلئے میک اپ بڑی اہمیت کا حامل ہے لیکن میک اپ کرتے ہوئے کچھ باتوں کا خیال رکھنا بھی ضروری ہے تاکہ آپ کا چہرہ دیکھنے میں زیادہ اوور نہ لگے۔
اس حوالے سے اے آر وائی ڈیجیٹل کے پروگرام گڈ مارننگ پاکستان کے میک اپ کلاس سیگمنٹ میں ماہر بیوٹیشنز نے خواتین کو کچھ اہم تجاویز دی ہیں۔
اس موقع پر بیوٹیشن بینش نے ایک ماڈل کے میک اپ سے حوالے سے بتایا کہ اس کی ایک خاص تکنیک ہوتی ہے جس میں یہ دیکھنا ضروری ہوتا ہے کہ کون سی چیز کیسے اور کتنی استعمال کرنی ہے۔
انہوں نے بتایا کہ اس ماڈل کے میک اپ میں کریکٹر استعمال نہیں کیا گیا کیونکہ تھوڑی پگمینٹیشن ہے جو واضح ہورہی ہے اور فاؤنڈیشن کا شیڈ بھی ٹھیک نہیں۔
انہوں نے بتایا کہ اس میک اپ میں سب سے بڑی غلطی یہ کی گئی ہے کہ رنگوں کا انتخاب چہرے کی مناسبت سے نہیں کیا گیا، اسی لیے گردن اور چہرے کی رنگت میں نمایاں فرق محسوس ہورہا ہے۔
لپ اسٹک کے حوالے سے بیوٹیشن ماہ نور نے بتایا کہ صبح کے وقت ہلکے رنگ کی لپ اسٹک لگاتے ہیں اور لباس کے رنگ کی مناسبت سے بھی لگائی جاسکتی ہے۔
