شوبز انڈسٹری کی معروف اداکارہ درفشاں سلیم گاڑی خرید کر مشکل میں آگئیں۔
فوٹو اور ویڈیو شیئرنگ ایپ انسٹاگرام اسٹوری میں اداکارہ درفشاں سلیم نے تصاویر شیئر کیں جس میں وہ گاڑی میں موجود ہیں اور منہ پر ہاتھ رکھ کر مسکرا رہی ہیں۔
اداکارہ کی تصاویر دیکھ کر علم نہیں ہورہا ہے کہ انہیں کس مشکل کا سامنا کرنا پڑا۔
درفشاں سلیم کے منیجر نے مختصر ویڈیو انسٹا اسٹوری میں شیئر کی اور ساتھ ہی لکھا کہ ’درفشاں نے گاڑی تو خرید لی ہے لیکن ابھی تک ڈرائیونگ نہیں سیکھی ہے۔‘
واضح رہے کہ اداکارہ ڈرامہ سیریل ’کیسی تیری خود غرضی‘۔ ’پردیس‘۔ ’بھڑاس۔‘ ’جیسے آپ کی مرضی‘ سمیت دیگر ڈراموں میں اداکاری کے جوہر دکھا چکی ہیں۔
ایک انٹرویو میں درفشاں نے کہا تھا کہ انہیں ڈراما انڈسٹری میں آنے کے لیے زیادہ محنت نہیں کرنی پڑی اور پہلے ہی آڈیشن کے بعد انہیں کام ملا اور بعد میں انہوں نے آڈیشن دیے تو انہیں مرکزی کرداروں کی پیش کش ہونے لگی۔
اداکارہ کا کہنا تھا کہ ان کا خیال ہے کہ فلموں میں آئٹم سانگس بھی نہیں ہونے چاہئیے اور ان کی خواہش ہے کہ فلموں میں بھی اپنے سماج کی کہانیوں کو پیش کریں۔
در فشاں سلیم کا کہنا تھا کہ وہ فلموں میں گانوں اور ڈانس کے خلاف نہیں، وہ خود بھی کتھک ڈانسر ہیں لیکن وہ کسی صورت میں آئٹم سانگ کی حمایت نہیں کریں گی۔
