پارکنگ میں سوئے ہوئے ٹرک ڈرائیور نے اپنی گاڑی پر پتھر پھینکنے والی خاتون کو تنبیہ کرنے کے بعد گولی مار کر ہلاک کردیا۔
امریکی جیوری نے حال ہی میں 44 سالہ شخص کو پارکنگ ایریا میں پتھر پھینکنے کے واقعے کے بعد 46 سالہ خاتون کو قتل کرنے کا مجرم قرار دیا ہے۔ تھورن نامی ڈرائیور کو 22 جولائی کو سزا سنانے کے لیے عدالت میں پیش کیا جائے گا۔
مذکورہ واقعہ امریکی ریاست کولوراڈو میں 28 اکتوبر 2022 کو پیش آیا تھا، ٹرک ڈرائیور تھورن ایک پارکنگ ایریا میں اپنے ٹرک میں سو رہا تھا جب مبینہ طور پر ہومز نامی خاتون نے تقریباً 2:30 بجے رات اس کی گاڑی پر پتھر پھینکنا شروع کردیا۔
استغاثہ کے مطابق ڈرائیور تھورن نے بیدار ہونے کے بعد عورت کو رکنے کو کہا اور پھر اسے اپنی بندوق دکھائی۔
ڈرائیور نے عورت کو تنبیہ کی کہ اگر اس نے پتھر پھینکنا بند نہ کیا تو وہ اسے گولی ماردیگا، تھورن نے بالآخر اپنی 9 ایم ایم پستول سے ہومز پر فائر کیا جس سے وہیں جائے وقوعہ پر اس کی موت واقع ہوگئی۔
بعدازاں ڈرائیور تھورن نے 911 پر کال کی لیکن ہومز کو مدد فراہم کرنے میں ناکام رہا۔ ڈسٹرکٹ اٹارنی دفتر کے مطابق ڈرائیور نے تفتیش کاروں کو بتایا کہ وہ خوفزدہ تھا اور اس نے خاتون کو گولی مارنے کا اعتراف کیا۔
ملزم نے مبینہ طور پر دعویٰ کیا کہ اس نے اپنے دفاع میں ہومز کو قتل کیا ہے۔ سینئر ڈپٹی ڈسٹرکٹ اٹارنی مائیکل مورو نے کہا کہ ٹرک ڈرائیور نے پتھر پھینکنے کی اطلاع 119 پر دینے کے بجائے معاملات کو اپنے ہاتھ میں لینے کا فیصلہ کیا۔
