بیرون ملک مقیم افراد نے اپریل میں کتنے ارب ڈالرز پاکستان بھیجے؟/ اردو ورثہ

ترسیلات زر کی مد میں بیرون ملک مقیم پاکستانیوں نے ماہ اپریل میں کتنے ارب ڈالرز بھیجے اس کی تفصیلات سامنے آگئیں۔

تفصیلات کے مطابق اسٹیٹ بینک آف پاکستان کی جانب سے جاری کردہ اعداد و شمار سے ظاہر ہوتا ہے کہ اپریل 2024 میں ترسیلات زرکی مد میں بیرون ملک مقیم افراد کی جانب سے 2.8 ارب ڈالرز کی رقم پاکستان بھیجی گئی۔

اسٹیٹ بینک آف پاکستان نے بتایا کہ اپریل 2024 کے دوران ترسیلات زر میں سال بہ سال کی بنیاد پر 27.9 فیصد کا اضافہ دیکھنے میں آیا۔

مالی سال کے پہلے 10 ماہ کے دوران مجموعی طور پر ترسیلات زر کی مد میں 23.8 ارب ڈالرز کی رقم آئی۔

اسٹیٹ بینک نے بتایا کہ اگر تقابلی جائزہ لیا جائے تو یہ رقم پچھلے سال کی اسی مدت کے مقابلے میں 3.5 فیصد زیادہ ہے۔

Comments