دادو: پولیس نے کارروائی کرتے ہوئے گداگر لڑکی سے مبینہ زیادتی کے 3 ملزمان کو حراست میں لے لیا۔
اے آر وائی نیوز کے مطابق پولیس ذرائع کا کہنا ہے کہ متاثرہ لڑکی کے والد نے 5 ملزمان کیخلاف مقدمہ درج کرایا تھا، کارروائی کے دوران 3 ملزمان کو گرفتار کرلیا ہے جبکہ 2 نامزد ملزمان کی تلاش جاری ہے۔
دوسری جانب آبادی ٹپیالہ میں اوباش نوجوان نے گونگی بہری ذہنی مریضہ لڑکی کو زیادتی کا نشانہ بنا دیا۔
پولیس کا کہنا ہے کہ زیادتی کا نشانہ بننے والی یتیم عاصمہ گھر میں اکیلی تھی، بھائی بھابی مزدوری کرنے کھیتوں میں گئے تھے۔
پولیس کے مطابق نامعلوم اوباش گھر میں داخل ہوا، ذہنی معذور لڑکی کو زیادتی کا نشانہ بناکر فرار ہوگیا، زیادتی کی شکار لڑکی کے بھائی کی درخواست پر کارروائی کا آغاز کر دیا گیا ہے۔
Comments
Follow Us
