اچھرہ میں مشتعل ہجوم سے خاتون کو باحفاظت بچانے والی خاتون پولیس افسر شہر بانو رشتہ ازدواج میں منسلک ہوگئیں۔
تفصیلات کے مطابق لاہور کے اچھرہ بازار میں ایک خاتون کی جانب سے عربی حروف کی پرنٹنگ پر مبنی کرتا زیب تن کیا گیا تھا جس کے بعد مذہب کو بنیاد بنا کر لوگ مشتعل ہوگئے تھے۔ ایسے میں بہادر خاتون پولیس افسر شہر بانو نے مشتعل ہجوم سے مذکورہ خاتون کو باحفاظت نکالا تھا۔
شہربانو نقوی کی مہندی اور شادی کی تقریبات لاہور میں منعقد ہوئیں، بارات پر خاتون پولیس افسر نے سرخ رنگ کا عروسی لباس زیب تن کیا تھا۔
خاتون پولیس افسر کی شادی اشتر نقوی نامی بزنس مین سے ہوئی ہے، اے ایس پی شہر بانو نقوی کی شادی کی ویڈیوز اور تصاویر سوشل میڈیا پر وائرل ہوگئی ہیں۔
واضح رہے کہ 26 فروری کو لاہور کے اچھرہ بازار میں ایک خاتون نے ایسا کرتا پہنا ہوا تھا جس پر عربی زبان میں کچھ حروف لکھے تھے جس کے بعد وہاں موجود لوگوں نے سمجھا کہ یہ کچھ مذہبی کلمات ہیں اور اس معاملے نے ایک غلط فہمی کو جنم دیا۔
اس پیچیدہ صورتحال کو خاتون اے ایس پی شہربانونقوی نے بڑی بہادری سے سنبھالا تھا اور بہت مذکورہ خاتون کو بحفاظت نکالکر اپنے ساتھ تھانے لے گئی تھیں۔
