کےالیکٹرک نے نیشنل پاور ریگولیٹری اتھارٹی (نیپرا) میں ملٹی ائیر ٹیرف کے تحت مالی سال 2023-24 تا مالی سال 2029-30 کے لیے سپلائی ٹیرف کی درخواست جمع کرادی ہے۔
درخواست میں صارفین کی بڑھتی ہوئی تعداد کو قابل اعتماد اور مستحکم بجلی کی فراہمی یقینی بنانے کے لیے ضروری لاگت کا خاکہ پیش کیا گیا ہے۔ کے۔ الیکٹرک کا کہنا ہے کہ نیپرا میں جمع کرائی گئی سپلائی ٹیرف کی درخواست کا صارفین کے بلوں پر کوئی اثر نہیں پڑے گا۔
صارفین سے ان کے ماہانہ بلوں کے ذریعے بجلی استعمال کرنے پر وصول کی جانے والی قیمت حکومت کی جانب سے ملک بھر میں نافذ یکساں ٹیرف پالیسی کے تحت ہے جس میں اس بات کو یقینی بنایا جاتا ہے کہ ملک بھر میں ہر کیٹیگری کا صارف سے یکساں قیمت دے۔
ایک عمودی طور پر مربوط یوٹیلیٹی کے- الیکٹرک جو بجلی کی پیداوار، ترسیل اور تقسیم کی ذمہ دار ہے، یہ اخراجات اس کی درخواست کا %90 فیصد بنتے ہیں, یہ اخراجات گھروں اور کاروباری اداروں کو بجلی کی مستقل اور قابل اعتماد فراہمی کو یقینی بنانے کے لیے اہم ہے۔ بقیہ جز جن کی درخواست کی گئی ہے وہ یوٹیلیٹی کے کیش فلو کو برقرار رکھیں گے اور میکرو اکنامک صورتحال میں تبدیلیوں کی وجہ سے پیدا ہونے والے آپریشنل خطرات سے نمٹنے میں کردار ادا کریں گے جیسا کہ KIBOR کی شرح میں اضافہ۔ل، اس کے علاوہ بلوں کی باقاعدہ ادائیگی کے رواج کو بھی فروغ دیا جائے گا۔
پاکستان بھر میں ڈسٹری بیوشن کمپنیاں اپنے ملٹی ایئر ٹیرف کے تحت اس طرح کے عمل سے گزرتی ہیں۔ اس حوالے سے نیپرا کی جانب سے آخری فیصلہ مارچ 2024 میں کیا گیا تھا۔
کے۔ الیکٹرک کے ملٹی ایئر ٹیرف کی درخواست نیپرا میں زیر غور ہے۔ کمپنی جدید ٹیکنالوجیز اور سرمایہ کاری کے ذریعے اپنے کاروبار کو ترقی دینے اور کارکردگی بہتر بنانے کے لیے پُرعزم ہے۔
