پاکستان کے معروف اداکار آغا علی کا کہنا ہے کہ شوبز انڈسٹری نے مجھے آج تک قبول نہیں کی کیونکہ میرا تعلق کسی خاص لوبی سے نہیں ہے۔
پاکستان کے معروف اداکار آغا علی نے ایک پوڈ کاسٹ میں شرکت کی جہاں انہوں نے پاکستانی شوبز انڈسٹری اور اپنے کام سے متعلق گفتگو کی ہے۔
اداکار کا کہنا تھا کہ انڈسٹری میں، میں کسی گروپ کا حصہ نہیں ہوں یہی وجہ ہے کہ ایک گروہ مجھے دیکھ کر آج بھی آنکھیں بند کرلیتا ہے لیکن میں پھر بھی ان سب سے ملنا چاہتا ہوں، مجھے ہر ایک سے محبت ہے۔
آغا علی کا بتانا ہے کہ میں نے اپنےکریئر کا آغاز 2006 میں نجی ٹی وی چینل سے بحیثیت پروگرام ہوسٹ کیا اور بہترین پرفارمنس پر ایوارڈ بھی ملا لیکن وہ میرا پہلا اور آخری ایوارڈ تھا اس کے بعد کام تو بہت کیا لیکن پذیرائی نہیں ملی۔
اداکار کا کہنا تھا کہ پاکستان میں ڈرامے کی کہانیوں کا معیار بہتر ہورہا ہے، عوام کہتے ہیں کہ پاکستان میں فلمیں نہیں بن رہیں لیکن میں آپ ریکارڈ اٹھا کر چیک کرلیں کہ گزشتہ سال کتنی فلمیں بنی ہیں، یہ غلط تاثر ہے کہ فلمیں بنتی نہیں ہیں۔
انہوں نے کہا کہ مسئلہ فلم بننے کا نہیں ہے سینما میں چلنے کا ہے وہ فلمیں اسلیئے نہیں چلتی ہیں کیونکہ ہم فلموں میں ان اداکاروں کو لاتے ہیں جو نہ رقص جانتے ہیں اور نہ انہیں اداکاری کا پتہ ہے اسی وجہ سے ہمارا سینما تنزلی کا شکار ہے۔
