چھٹی کے باوجود تاجروں کا کل مارکیٹیں کھولنے کا اعلان/ اردو ورثہ

وفاقی حکومت کی جانب سے 28 مئی کو عام تعطیل کے اعلان کے باوجود لاہور کے تاجروں نے مارکیٹیں کھولنے کا اعلان کر دیا۔

انجمن تاجران لاہور کے سیکرٹری انفارمیشن حافظ شیخ علاؤالدین نے میڈیا کو جاری بیان میں کل مارکیٹیں کھلی رکھنے کا اعلان کیا ہے۔

انہوں نے کہا کہ تاجر برادری کل یوم تکبیر جوش و جذبے سے منائے گی تاہم کل تمام مارکیٹیں معمول کے مطابق کھلی رہیں گی۔

وزیراعظم شہباز شریف نے 28 مئی یوم تکبیر کے موقع پر سرکاری چھٹی کا اعلان کیا ہے۔ ان کا کہنا ہے کہ یوم تکبیر قوم کے ملکی دفاع کو ناقابل تسخیر بنانے کے لیے اتحاد کی یاد دلاتا ہے، یوم تکبیر سبز ہلالی پرچم تلے متحد ہونے کی یاد دلاتا ہے۔

وزیراعظم نے کہا کہ 28 مئی کو فیصلہ ہوا بیرونی دباؤ قبول کرکے سمجھوتہ نہیں کیا جائے گا، اندرونی دشمن انتشار کی سیاست سے ملک کو خطرے سے دوچار کرنا چاہتے ہیں۔

Comments