زلمی بمقابلہ گلیڈی ایٹرز:محمد عامر کی ’جارحانہ‘ بولنگ، کراچی کے خلاف رضوان کی سینچری/ اردو ورثہ
پاکستان سپر لیگ میں ہفتے کو دو میچز کھیلے جا رہے ہیں، جن میں پہلے میچ میں راولپنڈی میں پشاور زلمی اور کوئٹہ گلیڈی ایٹرز میں مقابلہ ہوا جبکہ دوسرے میچ میں ملتان سلطانز اور کراچی کنگز مدمقابل ہیں۔
آج کھیلے جانے والے پہلے میچ میں کوئٹہ گلیڈی ایٹرز کی ٹیم نے پشاور زلمی کو 80 رنز سے شکست دے دی۔
گلیڈی ایٹرز نے پہلے کھیلتے ہوئے تین وکٹ کے نقصان پر 216 رنز بنائے جن میں کپتان سعود شکیل کے 59 اور فن ایلن کے 53 رنز نمایاں تھے۔
سعود شکیل کی اننگز میں خاص بات ان کا نو لک پر چھکا تھا جس پر ان کی کافی تعریف کی جاتی رہی۔
اینگری پاکستان نامی ایک ایکس اکاؤنٹ نے لکھا کہ ’سعود شکیل کے نو لک شاٹ سے صائم ایوب بہت فخر محسوس کر رہے ہوں گے۔‘
جواب میں زلمی کی اننگز شروع ہوئی تو محمد عامر پہلے ہی اوور میں بہت جارحانہ انداز میں بولنگ کرتے نظر آئے۔
صائم ایوب نے محمد عامر کی گیند پر شاٹ کھیلنے کی کوشش کی تو محمد عامر انہیں جارحانہ انداز میں بار بار چیلینج کرتے نظر آئے تاہم صائم ایوب باوجود کوشش کے ابتدائی اوورز میں محمد عامر کی گیند پر کوئی بڑی ہٹ نہ لگا سکے۔
ایکس صارف احمد حسیب نے لکھا کہ ’عامر نے بابر کو صفر پر آؤٹ کر کے حیران کیا، صائم ایوب بھی ان کو نہ کھیل سکے، صائم کے ساتھ ان کا کچھ الفاظ کا تبادلہ بھی ہوا جب صائم نے پہلی گیند پر ان کو شاٹ کھیلنے کی کوشش کی۔‘
دوسرے اینڈ سے یہ سب دیکھنے والے زلمی کے کپتان بابر اعظم جب خود سامنے آئے تو دوسری ہی گیند پر محمد عامر کی گیند کو سمجھ نہ پاتے ہوئے کیچ آؤٹ ہو گئے جس پر محمد عامر نے کافی خوشی کا اظہار کیا
اس سیکشن میں متعلقہ حوالہ پوائنٹس شامل ہیں (Related Nodes field)
دوسرے اینڈ سے یہ سب دیکھنے والے زلمی کے کپتان بابر اعظم جب خود سامنے آئے تو دوسری ہی گیند پر محمد عامر کی گیند کو سمجھ نہ پاتے ہوئے کیچ آؤٹ ہو گئے جس پر محمد عامر نے کافی خوشی کا اظہار کیا۔
بابر کے بعد محمد حارث بیٹنگ کرنے آئے اور اپنے روایتی انداز میں تیزی سے کھیلتے ہوئے جلد ہی آؤٹ ہو گئے۔
ایک جانب جہاں صائم ایوب انجری سے واپس آنے کے بعد بھرپور فارم میں دکھائی دیے، انہوں نے 38 گیندوں پر 50 رنز بنائے۔
تاہم دوسری جانب پشاور زلمی کے بلے باز کوئٹہ گلیڈی ایٹرز کے سپنرز کو گیندوں کو نہ سمجھ سکتے اور یکے بعد دیگر پویلین کی راہ لیتے رہے۔
یوں گلیڈی ایٹرز نے اپنے پہلے میچ میں پی ایس ایل ایکس کا آغاز فتح سے کیا جبکہ زلمی کو شکست کا سامنا رہا۔
آج کھیلے جانے والے دوسرے میں ملتان سلطانز اور کراچی کنگز کا مقابلہ جاری ہے جس میں ملتان سلطانز کی ٹیم نے پہلے کھیلتے ہوئے 234 رنز بنائے۔
سلطانز کے کپتان محمد رضوان نے 63 گیندوں پر 105 رنز کی ناقابل شکست اننگز کھیلی، جواب میں کراچی کنگز کی اننگز جاری ہے۔
