پاکستان فوج نے جمعے کو کہا ہے کہ خیبر پختونخوا اور بلوچستان میں وسیع پیمانے پر انٹیلی جینس پر مبنی مختلف آپریشنز کے دوران 9 دسمبر سے تاحال ’43 دہشت گرد‘ مارے گئے۔
جمعے کو آئی ایس پی آر نے پریس ریلیز میں بتایا کہ 9 دسمبر سے اب تک خیبر پختونخوا میں 18 عسکریت پسند جبکہ بلوچستان میں 25 عسکریت پسند مارے جا چکے ہیں۔
اس سیکشن میں متعلقہ حوالہ پوائنٹس شامل ہیں (Related Nodes field)
مختلف آپریشنز کی تفصیلات بتاتے ہوئے پاکستان فوج نے بتایا کہ 12، 13 دسمبر کی رات ضلع لکی مروت میں سکیورٹی فورسز نے انٹیلی جنس پر مبنی آپریشن کیا۔
آپریشن میں عسکریت پسندوں کے ٹھکانوں پر ’موثر کارروائی‘ کی اور نتیجتاً چھ عسکریت پسند مارے گئے۔
’بلوچستان میں 13 دسمبر کو شدید فائرنگ کے بعد سکیورٹی فورسز نے موسیٰ خیل اور پنجگور ضلعوں میں دو مختلف آپریشنز میں دس دہشت گردوں کو ہلاک کیا۔‘
آئی ایس پی آر نے اعلان کیا کہ یہ آپریشن اس وقت تک جاری رہیں گے جب تک علاقے میں امن بحال نہیں ہو جاتا اور عسکریت پسندوں کو مکمل طور پر ختم نہیں کر دیا جاتا۔
