غزہ کی پٹی میں اسرائیلی فوجیوں پر شہد کی مکھیوں نے حملہ کر دیا، جس کے نتیجے میں 12 اسرائیلی فوجی شدید زخمی ہوگئے۔
تل ابیب سے اسرائیلی میڈیا کا اس حوالے سے کہنا ہے کہ اسرائیلی ٹینک ایک کارروائی کے دوران شہد کی مکھیوں کے چھتے پر چڑھ گیا تھا۔
اسرائیلی میڈیا کے مطابق اسرائیلی ٹینک کے اندر اور باہر فوجیوں پر شہد کی مکھیوں کا جھنڈ ٹوٹ پڑا، جس سے 12فوجی زخمی ہوگئے۔
دوسری جانب غزہ پٹی میں ہونے والے دھماکے میں 4 اسرائیلی فوجی اہلکار جہنم واصل ہوگئے۔
اسرائیلی فوج کا ہلاکتوں کی تصدیق کرتے ہوئے کہنا تھا کہ دھماکا غزہ پٹی کے شمالی علاقہ حئی الزیتون میں اسرائیلی فوج کے آپریشن کے دوران ہوا۔
اسرائیلی فوج کے مطابق دھماکے میں ایک افسر سمیت 2 فوجی شدید زخمی بھی ہوئے۔
Comments
Follow Us
