صوبہ پنجاب کے شہر قصور کی تحصیل چونیاں میں پولیس اہلکاروں کی ایک گھر میں چھاپے اور خواتین پر تشدد کی ویڈیو نے تہلکہ مچا دیا، اہل محلہ کی جانب سے پولیس پر مبینہ حملے کی وجہ عیاں ہوگئی۔
چونیاں میں پولیس پر حملے اور تشدد کی حقیقت سامنے آگئی، ویڈیو میں دیکھا جاسکتا ہے کہ رانا ٹاؤن کے ایک گھر میں مرد پولیس اہلکار گھس کر وہاں موجود خواتین کو پکڑنے کی کوشش کررہے ہیں۔
مذکورہ ویڈیو میں خواتین پر تشدد کرتے ہوئے بھی دیکھا جاسکتا ہے، اہم بات یہ ہے کہ چھاپے کے وقت عملے کے ساتھ لیڈی پولیس اہلکار بھی موجود نہیں تھی، عورتوں کے چیخنے چلانے پر گھر کے باہر اہل محلہ جمع ہوگئے۔
پولیس اہلکاروں نے خواتین پرتشدد کیا جس کے بعد اہل محلہ بھی مشتعل ہوگئے اور انہوں نے بھی جواب میں پولیس اہلکاروں کو ڈنڈوں سے مارا، بعدع ازاں پولیس نے خواتین سمیت10افراد کو گرفتار کرلیا ہے۔
Comments
Follow Us
