پنجاب کے شہر سیالکوٹ میں بےرحم ماں نے پسند کی شادی کرنے والی بیٹی کو موت کے گھاٹ اتار دیا۔
پولیس کے مطابق واقعہ تھانہ مرادپور کی حدود اسماعیل آباد میں پیش آیا جہاں پسند کی شادی کیلئے گھر چھوڑنے والی بیٹی کو ماں نےقتل کر دیا۔
مقتولہ شادی شدہ تھی اور گھر چھوڑ کر جانے پر اہل خانہ نے اغوا کا مقدمہ درج کرایا تھا۔
پولیس کا کہنا ہے کہ مقتولہ نے عدالت میں مقدمہ جھوٹا ہونے کا بیان دیا ہے تھا جس پر اہل خانہ سخت ناراض تھے اور ماں نے طیش میں آکر بیٹی کو قتل کر دیا۔
پولیس نے واقعے کا مقدمہ درج کر کے ملزمہ کو گرفتار کر لیا ہے اور ابتدائی شواہد اکٹھے کرکے مزید تفصیلات حاصل کی جارہی ہیں۔ پولیس نے واقعے کی ابتدائی تفتیش بھی شروع کر دی ہے۔
Comments
Follow Us
