خصوصی عدالت نے منگل کو سائفر کیس میں پاکستان تحریک انصاف کے بانی عمران خان اور پارٹی کے وائس چیئرمین و سابق وزیر خارجہ شاہ محمود قریشی کو 10، 10 سال قید کی سزا سنا دی ہے، جس سوشل میڈیا صارفین اس فیصلے پر اپنا ملا جلا ردعمل تو ہی رہے ہیں مگر وہیں پی ٹی آئی ارکان اپنے سپورٹرز سے متحرک اور پرامن رہنے کی اپیل کر رہے ہیں۔
عدالتی فیصلے کے بعد پی ٹی آئی رہنما زلفی بخاری نے ایکس پر اپیل کرتے ہوئے لوگوں سے کہا کہ ’غصہ مت کریں، ڈریں مت! ہم یہ جیتیں گے یہ صرف کچھ وقت کی بات ہے۔‘
Don’t get angry , don’t be afraid! Get EVEN only by voting !! We will win this it’s only a matter of time. #CipherCase
— Sayed Z Bukhari (@sayedzbukhari) January 30, 2024
خیبر پختونخوا کے سابق وزیر خزانہ تیمور سلیم جھگڑا نے فیصلے کو ’شرمناک‘ قرار دیتے ہوئے کہا کہ ’آٹھ فروری کو ہمارا ووٹ ہمارا پہلا ردعمل ہوگا۔‘
Sham trial. Sham decision. It will be reversed. Don’t fall in their trap.
Our vote on February 8 will be our first response.— Taimur Saleem Khan Jhagra (@Jhagra) January 30, 2024
اسی طرح فیصل جاوید خان نے کہا کہ ’اللّٰہ تعالیٰ سے دعا ہے کہ کپتان اور نائب کپتان کے خلاف فیصلہ جلد معطل ہو جائے، ان کی رہائی ہو جائے۔ اس حوالے سے زیادہ تر قانونی ماہرین، وکلا کی رائے ہے کہ یہ فیصلہ سٹینڈ نہیں کرے گا۔ اللّٰہ تعالیٰ پاکستان کی مدد فرمائے۔‘
اللّٰہ تعالیٰ سے دعا ہے کہ کپتان اور نائب کپتان کیخلاف فیصلہ جلد معطل ہو جائےانکی رہائی ہو جائے-اس حوالے سے زیادہ تر قانونی ماہرین، وکلاء کی راے ہے کہ یہ فیصلہ اسٹینڈ نہیں کریگا-اللّٰہ تعالیٰ پاکستان کی مدد فرمائے- پاکستان زندہ باد!#StayCalmVoteForKhan #نہ_مایوس_ہوں_نہ_مشتعل pic.twitter.com/t1zL2Whuie
— Faisal Javed Khan (@FaisalJavedKhan) January 30, 2024
دوسری جانب مسلم لیگ ن پنجاب کے صدر اور سابق وزیر داخلہ رانا ثنا اللہ نے ایکس پر اپنی پوسٹ میں اس فیصلے کو سراہتے ہوئے لکھا کہ ’ریاستی مفادات کے ساتھ کھیلنے پر سزا ہی بنتی ہے، بانی پی ٹی آئی نے کہا تھا سائفر کے ساتھ ہم نے کھیلنا ہے۔ سائفر کو پبلک نہیں کیا جاسکتا، پبلک کرنا ریاستی مفادات کے لیے نقصان دہ عمل تھا۔ حساس دستاویز کو عوام میں لہرانے سے ریاستی معاملات کو نقصان پہنچا۔‘
انہوں نے مزید لکھا کہ ’عدالتی پروسیس کے تحت سزا دی گئی۔ یہ خوش قسمت ہیں کہ ان کے پاس اپیل کے لیے سپریم کورٹ کا فورم موجود ہے، نوازشریف کو تو ڈائریکٹ سپریم کورٹ سے سزا ہوئی تھی، نواز شریف کے پاس اپیل اور ریویو کا بھی حق نہیں تھا۔‘
ریاستی مفادات کے ساتھ کھیلنے پر سزا ہی بنتی ہے، بانی PTI نے کہا تھا سائفر کے ساتھ ہم نے کھیلنا ہے۔ سائفر کو پبلک نہیں کیا جاسکتا، پبلک کرنا ریاستی مفادات کیلئے نقصان دہ عمل تھا۔ حساس دستاویز کو عوام میں لہرانے سے ریاستی معاملات کو نقصان پہنچا۔ عدالتی پروسیس کے تحت سزا دی گئی۔ یہ…
— Rana Sanaullah Khan (@PresPMLNPunjab) January 30, 2024
سابق سپیکر قومی اسمبلی اسد قیصر نے سوشل میڈیا پر ویڈیو جاری کی جس میں ان کا کہنا تھا کہ ’تمام ورکرز سے اپیل ہے کہ اپنا پورا زور آٹھ فروری کے الیکشن پر مرکوز کریں اور عمران خان کو جتوا کر اس نظام کو شکست دیں۔‘
بانی چیئرمین تحریک انصاف عمران خان اور وائس چیئرمین شاہ محمود کو ۱۰ سال غیر قانونی سزا دلوا کر جج
ابوالحسنات نے قانون کو اپنے پاؤں تلے روند ڈالا۔ اس فیصلے کے خلاف ہم ہائی کورٹ اور سپریم کورٹ جائینگے اور یہ فیصلہ جلد کالعدم ہوجائے گا۔ میری تمام ورکرز سے اپیل ہے کہ اپنا پورا زور 8… pic.twitter.com/9BMZyg7j8W— Asad Qaiser (@AsadQaiserPTI) January 30, 2024
سینیئر صحافی اور اینکر پرسن حامد میر نے کہا کہ ’ا وپن ٹرائل ہوتا تو اس سزا پر کم تنقید ہوتی الیکشن سے چند دن قبل سنائی جانے والی اس سزا کا فیصلہ تاریخ یاد کرے گی۔‘
اوپن ٹرائل ہوتا تو اس سزا پر کم تنقید ہوتی الیکشن سے چند دن قبل سنائی جانے والی اس سزا کا فیصلہ تاریخ کریگی
— Hamid Mir حامد میر (@HamidMirPAK) January 30, 2024
اینکر ثنا بچہ نے اپنے ایکس اکاؤنٹ پر لکھا کہ ’سائفر کیس نہ ہوتا تو کرسی چوری کا مقدمہ بھی ہو سکتا تھا۔ جب فیصلہ ہو جائے تو پھر قانون، دلیل، مقدمہ، گواہ، منصف وغیرہ بس راستہ بناتے ہیں، روکتے نہیں۔‘
ثنا بچہ نے ایک تصویر بھی شیئر کی جس پر لکھا تھا کہ ’شکر کریں انہوں نے عدالت سے سزا کروائی ہے، وزارت داخلہ سے نوٹیفیکشن بھی کر سکتے تھے۔‘
اینکر مہر بخاری کہتی ہیں کہ ’ایک ایسا فیصلہ جس کا فیصلہ یقیناً تاریخ سنائے گی۔‘
پاکستانی اداکار ہارون شاہد نے بھی اپنی پوسٹ میں عمران خان کی حمایت کرتے ہوئے لکھا ’دس نہیں، آپ کے بس کی بات نہیں ہے، وہ جیت چکا ہے۔‘
Duss nahi, aap kay buss ki baat nahi hai! Woh jeet chuka hai. Imran Khan Zindabad
— Haroon Shahid (@Haroon_5hahid) January 30, 2024
جہاں یہ بڑی خبر تمام عالمی میڈیا کی بریکنگ نیوز بنی وہیں سپورٹس ویب سائٹ ای ایس پی این نے بھی سابق پکستانی کپتان کو 10 سال قید کی سزا کو پوسٹ کیا۔