حیدر آباد: صوبہ سندھ کے شہر حیدر آباد میں ایک بزرگ خاتون کے کھلے نالے میں ڈوبنے کا افسوس ناک واقعہ پیش آیا ہے۔
تفصیلات کے مطابق حیدر آباد میں ایک بزرگ خاتون کھلے نالے میں گر کر جاں بحق ہو گئیں، ریسکیو عملے نے دو گھنٹے کی جدوجہد کے بعد لاش نکال لی۔
یہ واقعہ پنجرہ پول کے علاقے چوڑی مارکیٹ کے قریب پیش آیا، 65 سالہ خاتون قدیمی برساتی نالے کے قریب سے گزرتے ہوئے اس میں گر گئی تھیں، خاتون کے ساتھ موجود پوتی نے چیخ پکار شروع کی تو علاقہ مکینوں نے ریسکیو عملے کو طلب کر لیا۔
خوشاب میں خاتون نے کزن کے ڈیڑھ سالہ بیٹے کو زندہ دفن کردیا
ریسکیو ڈبل ون ڈبل ٹو کے اہلکاروں نے دو گھنٹے بعد نالے سے لاش نکال کر سول اسپتال منتقل کر دی، ریسکیو عملے کے مطابق میت کی شناخت دڑی نامی خاتون کے نام سے ہوئی ہے، علاقہ مکینوں کا کہنا ہے کہ نالے کی دیوار نہ ہونے سے یہاں حادثات معمول بن چکے ہیں۔
Comments
Follow Us
