اے آر وائی ڈیجیٹل کے ڈرامہ سیریل ’بے بی باجی‘ میں ’نصیر‘ کا کردار نبھانے والے اداکار حسن احمد نے انکشاف کیا ہے کہ انہیں نصیر سے پہلے دوسرا کردار آفر ہوا تھا جسے کرنے سے انہوں نے انکار کردیا تھا۔
اداکار حسن احمد اور سنیتا مارشل نے حال ہی میں ایک شو میں شریک ہوئے جہاں حسن احمد نے انکشاف کیا کہ بے بی باجی میں نصیر وہ کردار نہیں تھا جو انہیں آفر کیا گیا تھا، پہلے مجھے جمال کے کردار کی آفر ہوئی تھی جو ڈرامے میں سعود قاسمی ادا کررہے ہیں۔
انہوں نے کہا کہ ’میں نے انہیں بتایا کہ میں جمال نہیں بلکہ نصیر کا کردار کرنا چاہتا ہوں کیونکہ ڈرامے میں جمال کو بہت اچھا انسان دکھایا گیا ہے۔‘
حسن احمد کا کہنا تھا کہ میں نے میکرز سے پوچھا کہ کیا وہ مجھے نصیر کا کردار کرنے کی اجازت دے سکتے ہیں پھر میں اس پروجیکٹ کے بارے میں بھول گیا۔
اداکار نے بتایا کہ آخر کار وہ واپس آئے اور کہا کہ ہم نے آپ کو نصیر بنانے کا فیصلہ کیا ہے جب کہ جمال آپ کے بڑے بھائی ہوں گے۔
انہوں نے بتایا کہ سنتیا مارشل بھی اسما کے کردار کے لیے پہلی چوائس نہیں تھی، وہ بے بی باجی کی شوٹنگ شروع ہونے سے تین دن قبل ہی ڈرامے میں شامل ہوئیں۔
ڈرامہ سیریل بے بی باجی کی کاسٹ میں ثمینہ احمد، منور سعید، جویریہ سعود، جنید جمشید نیازی، طوبیٰ انور، فضل حسین، عینا آصف، فائزہ خان ودیگر شامل ہیں۔
ڈرامے کی کہانی منصور احمد خان نے لکھی ہے جبکہ اس کی ہدایت کاری کے فرائض تحسین خان نے انجام دیے ہیں۔
