پاکستان کے مقبول ترین ٹی ٹوئنٹی ٹورنامنٹ پاکستان سپر لیگ (پی ایس ایل) کے 2024 میں ہونے والے نویں ایڈیشن میں بھی انڈپینڈنٹ اردو، پشاور زلمی کا ڈیجیٹل پارٹنر ہوگا۔
اس بات کا اعلان پشاور زلمی نے ایکس پر منگل کی شب کیا۔
پشاور زلمی نے اپنی پوسٹ میں لکھا: ’ہمیں پی ایس ایل 9 کے لیے بھی انڈپینڈنٹ اردو کے ساتھ بطور ڈیجیٹل نیوز پارٹنر یہ شراکت داری جاری رکھنے پر فخر ہے۔‘
اس سے قبل انڈپینڈنٹ اردو پی ایس ایل 6 سے پشاور زلمی کا برانڈ پارٹنر رہا ہے۔
پاکستان سپر لیگ کے نویں ایڈیشن کے میچز 17 فروری سے چار شہروں کراچی، لاہور، ملتان اور راولپنڈی میں کھیلے جائیں گے۔
ایونٹ کا فائنل 18 مارچ کو کراچی کے نیشنل سٹیڈیم میں ہوگا۔
اس سیکشن میں متعلقہ حوالہ پوائنٹس شامل ہیں (Related Nodes field)
اس سال بھی کراچی، کوئٹہ، ملتان، اسلام آباد، لاہور، پشاور کی پانچ ٹیمیں مدمقابل ہوں گی۔
2019 میں لانچ ہونے والے بین الاقوامی میڈیا ادارے انڈپینڈنٹ اردو نے پانچ سال سے بھی کم عرصے میں پاکستان اور دنیا بھر میں اپنی کوریج کی وجہ سے ایک مقام بنایا ہے۔
خصوصاً پی ایس ایل کے حوالے سے اس کی رپورٹس، تجزیوں اور وی لاگز کو کافی پذیرائی ملی ہے۔
مستند خبروں اور حالات حاضرہ کے تجزیوں کے لیے انڈپینڈنٹ اردو کے وٹس ایپ چینل میں شامل ہونے کے لیے یہاں کلک کریں۔
