اسلام آباد : وفاقی وزارت داخلہ نے عوام اور میڈیا کے خدشات پر وضاحت جاری کرتے ہوئے نتائج کی پروسیسنگ میں تاخیر کی وجہ رابطے کی کمی قراردے دی۔
تفصیلات کے مطابق ریٹرننگ افسران تک نتائج کی پروسیسنگ میں تاخیرسے متعلق خدشات سامنے آئے ، وفاقی وزارت داخلہ نے عوام اور میڈیا کے خدشات پر وضاحت جاری کردی۔
جس میں نتائج کی پروسیسنگ میں تاخیر کی وجہ رابطے کی کمی قرار دی گئی ہے۔
وزارت داخلہ کا کہنا ہے کہ رابطے کی کمی کی وجہ فول پروف سیکیورٹی یقینی بنانے کیلئے احتیاطی تدابیر تھی، عملے اور بیلٹ دونوں کے تحفظ کو یقینی بنانے کے پروٹوکول جامع ہیں۔
عملے اور بیلٹ کے تحفظ کے پروٹوکول کی وجہ سے وقت لگا، اب صورتحال تسلی بخش ہے، توقع ہے نتائج کا سلسلہ جاری رہےگا۔
Comments
Follow Us
