شاہ عبداللطیف بھٹائی کے عرس پر کل سندھ میں عام تعطیل

کراچی: صوبائی حکومت نے اعلان کیا ہے کہ صوفی شاعر شاہ عبداللطیف بھٹائی کے سالانہ عرس کے موقع پر منگل (کل) کو سندھ بھر میں عام تعطیل ہوگی۔
ایک نوٹیفکیشن کے مطابق، صوبائی حکومت نے 20 اگست کو صوبے بھر کے تمام سرکاری دفاتر، خود مختار اور نیم خود مختار ادارے، کارپوریشنز اور مقامی کونسلز کے لیے تعطیل کا اعلان کیا ہے، سوائے لازمی خدمات کے۔

حکام کے مطابق، سندھ حکومت کے زیر انتظام تمام سرکاری و نجی اسکول، کالجز اور جامعات بھی منگل کو بند رہیں گے۔
شاہ عبداللطیف بھٹائی کا تین روزہ سالانہ عرس ہر سال 14 صفر سے ان کے آخری آرام گاہ بھٹ شاہ میں منایا جاتا ہے۔

> 20 August holiday in Pakistan