عابد رشید
( رپورٹ : محبوب ظفر)30 اگست 2022ء ، ادبی و ثقافتی تنظیم "زاویہ” کے زیرِ اہتمام اور اکادمی ادبیات پاکستان کے تعاون سے معروف شاعر جناب عابد رشید کے شعری مجموعے "دھنک” کی نہایت شاندار, بھرپور اور یادگار تقریب منعقد ہوئی۔
صدارت جناب افتخار عارف نے فرمائی۔ مہمانانِ خصوصی پروفیسر جلیل عالی اور ڈاکٹر یوسف خشک تھے۔ نظامت کے فرائض زاویہ کے روحِ رواں محبوب ظفر نے ادا کیے۔
اظہار خیال کرنے والوں میں جناب نسیمِ سحر, ڈاکٹر انعام الحق جاوید, جناب حسن عباس رضا اور محترمہ صباح کاظمی شامل تھیں۔
تلاوت اور نعتِ رسولۖ کی سعادت قاری ذیشان حیدر نے حاصل کی۔ جڑواں شہروں کے اہلِ قلم اور اہلِ ذوق احباب کی بڑی تعداد کی شرکت سے اکادمی کا ہال آخر تک کھچا کھچ بھرا رہا۔ ریڈیو پاکستان اسلام آباد اور سماء ٹی وی چینل نے پوری تقریب کی ریکارڈنگ کی۔
Follow Us
