کراچی کی مختلف شاہراہوں پر شدید ٹریفک جام/ اردو ورثہ

کراچی: شہر قائد میں صبح کے اوقات میں مختلف شاہراہوں پر شدید ٹریفک جام کی صورتحال کے باعث شہریوں کو مشکلات کا سامنا کرنا پڑ رہا ہے۔

اے آر وائی نیوز کے مطابق جوہر موڑ، ڈالمیا، اسٹیڈیم روڈ اور شارع فیصل پر شدید ٹریفک جام کی صورتحال ہے، سڑکوں پر گاڑیوں کی لمبی قطاریں لگی ہوئی ہیں، جس کے باعث دفاتر جانے والوں کو شدید مشکلات کا سامنا کرنا پڑ رہا ہے۔

ٹریفک پولیس کا کہنا ہے کہ او لیول کے امتحانات کے باعث سڑکوں پر ٹریفک کا دباؤ ہے۔

دوسری جانب شہر قائد کے موسم کے حوالے سے محکمہ موسمیات کا کہنا ہے کہ شہر میں آج موسم گرم اور مرطوب رہیگا، موجودہ درجہ حرارت 28 ڈگری سینٹی گریڈ ہے۔

شہر میں 20 کلومیٹر فی گھنٹہ کی رفتار سے ہوا چل رہی ہے، جبکہ شہر کا درجہ حرارت 34 سے 36 ڈگری سینٹی گریڈ تک رہنے کاامکان ہے۔

Comments