راولپنڈی: سیکیورٹی فورسز کے ضلع خیبر میں آپریشن کے دوران 3 دہشت گرد مارے گئے۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے ضلع خیبر میں دہشت گردوں کی موجودگی کی اطلاع پر آپریشن کیا اس دوران فائرنگ کے شدید تبادلے میں 3 دہشت گرد ہلاک ہوگئے۔
ترجمان پاک فوج کا کہنا ہے کہ ہلاک دہشت گردوں میں سرغنہ سہیل عرف عظمتو شامل ہے جبکہ دہشت گرد حاجی گل عرف زرقاوی بھی مارا گیا ہے۔
آْئی ایس پی آر کے مطابق آپریشن کے دوران دہشت گردوں کا ٹھکانہ تباہ کردیا گیا ہے، ہلاک دہشت گردوں سے ہتھیار اور گولیاں برآمد ہوئی ہیں۔
ترجمان پاک فوج کا کہنا ہے کہ مقامی لوگوں کی جانب سے آپریشن کو سراہا گیا ہے۔
آئی ایس پی آر کا کہنا ہے کہ علاقے میں ممکنہ دہشت گردوں کے خاتمے کے لیے کلیئرنس آپریشن بھی کیا گیا، سیکیورٹی فورسز دہشت گردی کے خاتمے کے لیے پرعزم ہیں۔
Facebook Comments