پاکستان کا 'فتح ٹو گائیڈڈ راکٹ سسٹم' کا کامیاب تجربہ/ اردو ورثہ

راولپنڈی : پاکستان نے ’’فتح ٹو‘‘ گائیڈڈ راکٹ سسٹم کا کامیاب تجربہ کرلیا، مؤثر نیویگیشن سسٹم کا حامل فتح ٹو کامیابی سے ہدف کو نشانہ بناسکتا ہے۔

تفصیلات کے مطابق پاکستانی فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ پاکستان نے ’’فتح ٹو‘‘ گائیڈڈ راکٹ سسٹم کا کامیاب تجربہ کرلیا۔

آئی ایس پی آر کا کہنا ہے کہ تجربے کے دوران مختلف ڈرلز اور تکنیکی امور کا مشاہدہ کیاگیا ، فتح ٹو گائیڈڈ راکٹ سسٹم400 کلومیٹر تک رینج کاحامل ہے۔

ترجمان پاک فوج نے بتایا کہ مؤثر نیویگیشن سسٹم کا حامل فتح ٹو کامیابی سےہدف کونشانہ بناسکتاہے، فتح ٹو گائیڈڈراکٹ سسٹم کو پاک فوج کےآرٹلری ڈویژن کاحصہ بنایاجائے گا۔

Comments