اپنی دوست کو قتل کرکے اس کی کار لے کر بھاگنے والے شخص کے ساتھ عجیب واقعہ پیش آیا اور وہ خود بھی سانحے کا شکار ہوگیا۔
میڈیا رپورٹس کے مطابق بھارتی پنجاب میں 30 سالہ انس قریشی نامی شخص نے اپنی دوست 27 سالہ ایکتا کو اس کے گھر میں گھس کر قتل کردیا۔ مذکورہ واقعہ ہفتے کو صبح کے وقت پیش آیا۔
سی سی ٹی وی کمیرہ میں قید ہونے والی ویڈیو میں دیکھا جاسکتا ہے کہ انس اپنی دوست ایکتا کے گھر سے اسی کی کار میں فرار ہورہا ہے۔
پولیس کے مطابق مقتولہ پنجاب کے گاؤں کھارا میں رہائش پذیر تھی، اس کی گردن پر تیز دھار آلے کے متعدد نشانات ہیں۔
ڈی ایس پی کرن نے بتایا کہ ایکتا ایک ملٹی نیشنل کمپنی میں ملازم تھی جبکہ اس کی فیملی چھ ماہ پہلے ہی موہالی منتقل ہوگئی تھی جبکہ اس کا دوست انس چندی گڑھ کا رہائشی ہے۔
کھارا پولیس کو قتل کی اطلاع صبح 9 بجے ملی، پولیس وہاں پہنچی تو ایکتا کی لاش پڑی تھی اور چاروں طرف خون ہی خون بکھرا ہوا تھا۔
تاہم مقتولہ کی کار لے کر فرار ہونے والے انس قریشی راستے میں شاہ آباد یمونا نگر کے قریب حادثے کا شکار ہوگیا اور اسے تشویشناک حالت میں اسپتال منتقل کیا گیا۔
پولیس بعدازاں اسپتال پہنچی اور ملزم کو وہیں پایا جبکہ اس کے خلاف قتل کا مقدمہ درج کرلیا گیا ہے۔ قتل کے حوالے سے حقائق جاننے کےلیے پولیس کی تحقیقات جاری ہے۔
Facebook Comments